كنت امبارح و النهاردة بلف في شقتنا و شقة جدتي بتفرج على الأجهزة و الحاجات اللي بتستهلك طاقة في البيت و ازاي نحاول نقللها
بس لاحظت حاجات كده
1- ان انا مش ثري ثراء فاحش
يعني ان انا مثلا ماعنديش حمام سباحة في الجنينة اللي قصاد الشقة و لا عندى أوضة جامينزيوم و هكذا
و بالتالي ظهرت مشكلة
ان انا دوافعى كواحد من غير طبقة الاثرياء لاني اخفض تكاليف مصادر الطاقة او اجيب مصدر رخيص اكبر بكتير من دوافع الأثرياء
اللي يعمل حمامات سباحة في قصره مش هيفرق معاه توفير زي ما هيفرق معايا مثلا
طب كده عندى مشكلة
اني ماينفعش ادور على حل واحد من غير تحوير فيه ينفع للشريحتين المتوسطة و الثرية و يؤدي الغرض
فحاجة من اتنين
1- يا إما نستهدف شريحة الطبقة المتوسطة بس يا الثرية بس
2- هندور على حل قابل للتحوير بحيث ان شكل منه يستخدم مع الطبقة المتوسطة و تحويره ينفع مع الطبقة الثرية
----------------------------------------
كنت سألت والدي (هو مهندس مدنى) هل قابله شركة بتمسك مكان و تحاول تدرس مصادر الطاقة بحيث انها تحقق اقل استهلاك ممكن للطاقة قال لي قابله شركة بالمعنى ده لسة جديدة او قريبة بس قال لي انهم نصابين
جيت اسأله ايه وجه النصب قال لي التفاصيل مش عنده عند مهندس زميله فالمفروض اكلمه بكرة ان شاء الله الصبح علشان اعرف تفاصيل أكثر
فلو حد برضه يقدر يسأل عن الموضوع ده يكون ياريت
--------------------------------------
لو تقدروا برضه تلفوا في شققكم و تفكروا يكون احسن برضه
على فكرة موضوع الجاموسة بتاع عبد الله ده موحى جدا وممكن يجيب افكار فحاولوا تفكروا ازاي نستفيد من الجاموسة ( او اي ذو اربع زيها )